Mir treffen eis um 20:00 am Clubsall. Start vum Tournoi ass ab 20:30!

De Bartrenger Volleyball luet eis op eng nei Oplag vum Juxtournoi an! 27 Ekippen wäerten hiert kennen um Spillfeld an um Comptoir ënner Beweis stellen ;) Fir gutt Stëmmung, de sëffege Secret, de Wupp mat Sauerkraut a de Ierbsebulli suergt den Volleyball. Dëst Joer gëtt et och e Präis fir di bescht verkleetsten Ekipp.

Eis Generalversammlung ass Freides, den 6.03 um 19h00 am Clubsall iwwert der Post. Sidd wegl. pünktlech do. Eng Generalversammlung ass déi wichtegst Versammlung vum Joer wou och Gemengevertrieder present wäerten sinn. Vun eisen Aktivitéiten iwwert Finanze steet alles um Ordre du Jour. Et wier flott wann sou vill Membere wei méiglech géife kommen. Dono gëtt de Club nach e Patt. Zum Ofschloss gi mir nach alleguerten zesummen bei de Wang Tong iessen.

Mir treffen eis dëst Joer um Houkiermer zu Bartreng an feieren eisen gudden Heng zesummen! Fir Gedrénks an Iessen ass gesuergt. Treffpunkt ass Méindes Owes um 20 Auer am Ufank vum Feldwee an der „rue des champs“ zu Bartreng. 

Zesummen wäerten mir eng +- 20 Kilometer wanderen an sécherlech vill Spaass mateneen hunn! Vergiesst net e Picknick an Gedrénks matzehuelen fir ënnerwee! Treffpunkt ass Samschdes den 4. Juli um 9h00 beim Clubsall wou mir dann zesummen mam Zuch op Mensbech fueren. Denkt un är Maske!