Treffpunkt ass hei um 18 Auer um Busarrêt am Duerfzentrum fir déi déi zesummen de Bus wëllen huelen oder géint 18h30 op der Schueberfouer. Wou genau mir eis do treffen, kënnt nach no.  Samschdes den 7. September heescht et erëm CJB goes Fouer, wou mir zesumme prosten an eppes leckeres an de Kessel iesse ginn. Fir dass den Club d’Iessen an och déi eng oder aner Tournéeë kann iwwerhuelen, froe mir eng Participatioun vun 15€.

De 14. September ass wéi all Joers de Petanquestournoi zu Bartreng vun 10h bis 17h, wou mir eng oder eventuell souguer zwou Ekippen umellen! Eng Ekipp setzt sech aus 3 Leit zesummen, dir musst och net gutt sinn fir matzemaachen, et geet ëm de Spaass! :)

Als Club si mir invitéiert ginn, fir op den 200. Gebuertsdag vun der Simon-Brauerei zu Woltz laanschtzegoen! Wann dir also den 28. September nach näischt vir hutt an alles wat si ze bidden hu fir 1,50€ schmaache wëllt, kommt mat! Dohanne ginn et och Schlofplazen, soot eis also bei der Umellung Bescheed op dir do schlooft :)

O'zapft is! Den 19. Oktober organiséiert de bartrenger Dëschtennis rëm hiert traditionellt Oktoberfest! Wéi all Joers gi mir als Club rëm dohin, wou och déi eng oder aner Tournée fir eis Memberen dobäi ass :)

Den 31.10. gi mir ab 20h fir Halloween ze feieren zesummen op de Wollefsbal zu Garnech! Huelt iech är Ticketen, de Club gëtt dann Tournéeën aus :) Infos fannt dir op Facebook!

Den 22. November organiséiere mir wéi all Joers e Keelentournoi! Wou mir genau dëst Joer higinn gëtt iech nach kommunizéiert :)